درجة بدرجة حتى يحن مول الرجا

مراكش الحمراء // ركن المتغيبين و المتغيبات

المعني بالأمر // الآنسة ماطيشة

العهدة على والدتي لغزالة ديال اولوز / سوس /

مطيشة العفريتة 17.5 دركش

بصل المحكورة 8.00 دركش

بطاطة مسوسة بحال دلقوشي 4.00 دركش

بطاطة زوينة صالح للصريط 8.00 دركش

فلفلة 8.00 دركش // شواري ب 160 ريال /

هز و لا حط ولا سير تكركب ما عندك فلوس كلامك مسموس بحال الدفلة

شكون بغا يتصور معا ماطيشة 10 دراكش /درهم……

المهم يا إخوتي أصبيت بشك مما استظهرته والدتي أمامي حول أثمان الخضر. و أعلم علم اليقين ان والدتي قد تجاوزت العقد السادس بسنوات قليلة فلربما يكون البرد ضربها في راصها , اللهم لا شماتة , جمعت الوقفة ألخوت قشور الحوت و ما كان علي إلا ان ناديت على احد أطفال الحي و ناولته 10 ريال بالتمام و الكمال ما نقص منها سنتيم أخمر. و طلبت منه التوجه عند الخضار القريب من خربتنا و ناولته ورقة مكتوب عليها أنواع الخضر المذكورة أعلاه.

اوا شوفو البرهوش أشنو كال ..

الموتشو زغب ليام // واه أعمي سيمو ديالاش هاد العشرة ريال

سيمو ولد مو خلا الكول حال فمو // الله يعطيك لعمى.. مالك 10 ريال ماشي فلوس..

الموتشو عوج الرجلين // لا غير شدها أعمي ..مامسليش بيت نلعب البي مع الدراري..........

المعلم فوا ما عند مو غير هوا // شوف ولد الهم ..المعفون خناينو نازلة.....///.خرجت فيه عينيا بحال شي واحد زعما واعر..........12 عاما قضيتها في مسرح الهواة تنلبس الماصك بسرعة البرق///........

كون تحشم البرهوش تلق البشرة نزيدك عشرة ..

ابتسم البرهوش ابتسامة صفراء و ناولته 10 ريال أخرى...البرهوش عطاها لكعيط حفيان و رجليه مشكين ..........

لا فير طاحت عليا أدراري ب 20 ريال, اوا همزة و صابكها حمزة.

أخزيت على التبذير عادة سيئة تلاحقني.

Kal-sim@h.c