كرسي المسؤولية // زجل من صميم الواقع

مراكش الحمراء // شوية ديال التفافة

مرقة ديال الطنجية باش ما تحرك ليا المرقة ديال.. الكرعين..

أبشاخخخخخخخخخ..عليك يا الطنجية في ..اللوزة ..

اللوز .. المكان المخصص للطنجية عند خونا مول الفرناطشي با فتح.. الحي الحسني ..دوار العسكر // هاد با فاتح كان مخصص في الطنجية لكن البلية لي كانت فيه ,أنه كان ديما كا يدير تقية على فم الطنجية و يجبد المرقة , لان الطنجية من المفروض أنها تكون مخطية بالكاغيك // كلاصي // و لكن با فتح لي فيه فيه , المهم يدوق من الطنيجة و ربي كبير ..أغمس ليا..هانية زاكية أبا فتح ..

اوا ما عندنا كسر أرا هوى ما عندك..

زجل من صميم الواقع

كرسي المسؤولية ..

شحال أنت زوين و عزيز يا كرسي المسؤولية

كبرتي بخيرك شلا و حدين و عطيتيهم الأهمية

كاع ما كانوا يحلمو بها و لا عارفينها وأشنو هيا

دغيا تغير عندهم الهندام و تبدلت السميا

و أصبح حديثهم مع الناس غير باللغات الأجنبية

رغم أنهم حاصلين غير على شواهد محو الأمية

ما بقى عندهم لا أخلاق لا مبدأ لا هوية

كانوا زمان بحالنا مدرجين فلائحة الطبقة الشعبية

كيحقدو على الجميع لمصنفين فالفئات البورجوازية

و اليوم بفضلك تسلقو السلاليم للمراتب العاليا

و فرضو علينا كل ما لقيناهم إلا و نعطيهم التحية

و فحالة الرفض يحاربونا لأن سيوفهم قوية

شحال كانو مهووسين بحب الشفافية و الديمقراطية

و النضال من أجل الحد من الفوارق الاجتماعية

كلشي مشى مع الواد جراتو المياه الجارية

وارماتو بعيد فمصب نهر الأيام الماضية

أنا ديما محتارمك و مقدرك يا كرسي المسؤولية

لكن يبقى في الحال مللي يديروك مطية

الأستاذ // أحمد محمد العرابي / وجدة