مراكش الحمراء // ثقافة شعبية
زجل // توفيق أبو ريحان
لي قتلاتوا شتا ما حياتو شمس
طبل يا طبال خليني نشطح
نغم ياكمان اوفبحور نغامك نسبح
خليوني نشطح لاش نحشم
عشت سنين غارقة فالهم
من يوم لي غابو الوالدين عليا
لاحد من لحباب حن قلبو عليا
ولا حد من لاصحاب فكر فيا
جلت نخدم من دار لدار
فكل داركان سبع غدار
حياتي دوقتني لمرار
عشق الرجال للجنس غريزة
او غيرت النساء على رجالهم زايدا نغيزة
وليت نبان فعيون الرجال فريسة
او فعيون عيالات الرجال درة او منها مخيفة
كنت نترجى من الخبز غير كسرة
مانطولها غير الا ماعصروني عصرة
فبلاد الاسلام او لمسلمين يا حصرة
لفقر كفر او الجوع نصراني
من كثرت فقري الجوع عماني
الزمان الغدار عراني
فيد الثعالب رماني
شدني الزمان بالنياب
ماعرفت لخطى من الصواب
وليت عظم او تكدد فيه لكلاب
قررت نمحي بالرقص حزاني
غطيت بيه عرايا بعد ما الزمان عراني
محيت بيه الجوع لي عماني
او اليوم كل من كان سبابي فالشتات
نور الاسلام من قلبو نبعات
نعتوني بشلى صفات
او شحال من لعنة منهم علي نزلات
نكرو بلي حياتي بسبابهم تفلسات
طبل يا طبال خليني نشطح
نغم يا كمان او فبحور نغامك نسبح
لي عندوا شي اقولوا
اولي ما عجبوش حالي اغزز فولوا
مراكش
Aucun commentaire:
Enregistrer un commentaire