و للكلمة نصيبها عشن الشوك الي في الورد بحب الشوك // الموسيقار محمد ع الوهاب

مراكش الحمراء // ثقافة

ذ الزجال // ابراهيم زرقة

= زطمتي على الشوك .سال دم قلبي

= إلى هاج البحر ندخل سوق راسو

=فالفراش البارد طاحت عالمخذة دمعة والليل شاهد

= جاني العطش وشربات هي

= ركبت على همي وصل هو وخلاني

= آبلاتني بالحب وآمشات

= آشحال من خطوة ذرت .لقيت راسي نابث

= عيت ما نراري .نعست أنا وآبقاو الدراري

= جلدني الجلاد .ضحكت وهو ذاق العذاب

= إلى جا النور كتحشم الظلمة .ولجات الظلمة كنلوح آحوايجي

= جا الصباح وآمشيت أنا

= كتبت كلام حلو .ذقتو لقيتو حدجة

= عطاتني بوسة وخذات عقلي

= شافت فالمرايا وكذبات عيني

= الغربة كفن حتى آقبر ما بغاها

= إلى صراحتك كذبت على نفسي

= المذيعة خطبات تزوجو المشاهدين

= وزير الزرواطة .صام ماعام آرجم ماحج

= شعل الضو الخضر وآطفينا آحنا

= باتت عندي نغصة .فالصباح لقيتها حاملة

= شكارتو فيها سبولة الكيف .ومطمورتو عامرة بصهد الصيف

= سلخت الحولي ذاروني قديد

= برك الحاكم على الكرسي .الشعب ماقدر يوقف ماقدر يرصي

= عندي الباسبور ما عنديش الباليزا

= رخيت الحبل .ذاتني ليام

= إلى عطيتك وعد .ذيه لفران الحومة

= شراو سكاتو .وملي بغى يهضر مشى ليه الصوت

من خلاني على موقع / الفيسبوك /